Buddha asscept (64).3gp - 4shared.com - file sharing - download movie file

Buddha asscept (64).3gp - 4shared.com - file sharing - download movie file: Buddha asscept (64).3gp

ပရမတ္တသစ္စာနှင့် အရိယသစ္စာ

သုတ္တနိပါတ
မဟာဗျူဟသုတ္တ ပန္နရသမဂါထာ

(ပါဠိ)

ပဿံ နရော ဒက္ခတိ နာမ ရူပံ၊
ဒိသွာန ၀ါ ညထာတိ တာနိ မေ၀၊
ကာမံ ဗဟုံ ပဿတု အပ္ပကံ ၀ါ။
န ဟိ တေန သုဒ္ဓိံ ကုသလာ ၀ဒန္တိ

(မြန်မာ)

ရုပ်၊ နာမ် ရှုပွား တရားကို ရှာ၊

ရုပ်၊ နာမ် ဖြစ်ပျက် မြင်လျက်သိမှာ။
ဘယ်လောက် ရှုမှတ် ပရမတ်သစ္စာ၊
ပွားသော်ငြား တရားမရပါ။

သုတ္တနိပါတ
သမ္မာပရိဗ္ဗာဇနိယသုတ္တ သတ္တမဂါထာ
(ပါဠိ)

ဝစသာ မနသာစ ကမ္မုနာ စ၊
အ၀ိရုဒ္ဓော သမ္မာ ၀ိဒိတွာန ဓမ္မံ။
နိဗ္ဗာန ပဒါဘိ ပတ္ထယာနော၊
သမ္မာ သော လောကေ ပရိဗ္ဗဇေယျ။

(မြန်မာ)

ကိုယ်၊ နှုတ်၊ စိတ်ထား အမှားရှောင်ခွါ၊
တရား၊ မတရား ပြတ်သားသိခါ၊
လူ့ငြိမ်းအေးမှု ရှေးရှုလို့သာ၊
မြတ်တရား မမှား ကျင့်ရမှာ။

ဓမ္မ၀ိဟာရီဆရာတော်

ဗုဒ္ဓ၏ အရိယသစ္စာ လမ်းညွှန်

           

  

          ဗုဒ္ဓမြတ်စွာ၏ အရိယသစ္စာတရားနှင့် ဗြဟ္မဏ၀ါဒ ပရ­မတ္တသစ္စာဒဿနတို့နှင့် ဗုဒ္ဓ၏ ကံ/ ဂျိန်းကံတို့အား ကွဲကွဲပြားပြား သိရှိဖို့လိုအပ်ပါတယ်။ ဒါ့ကြောင့် ဗုဒ­္ဓဓမ္မစီးဆင်းခဲ့သည့် အတိတ်သမိုင်းကို သေသေချာ ချာ လေ့လာနိုင်ကြပါစေ။ သမိုင်းကို မသိရင် လူအ ဖြစ်လိမ့်မယ်လို့ သမိုင်း ပညာရှင်တစ်ဦးက ဆိုထား ပါတယ်။

          ထပ်ပြီးတော့ သမိုင်းကို တလွဲသိနေရင် ရူးလိမ့်မယ်။ မိမိတို့ ရိုးရာစွဲ၊ ဆရာစွဲ၊ နည်းစွဲ၊ ၀ါဒ စွဲများဖြင့် အသိဉာဏ်များ မပိတ်ထားကြပါနှင့်။  ဖွင့်ထားသော မျက်စိ၊ နား၊ ဉာဏ်တို့ဖြင့် နှိုင်းယှဉ် လေ့လာကြပါ။

      ရှေ့ဘ၀၊ နောက်ဘ၀စွဲ ဂျိန်းဝါဒ စိတ်ကူးယဉ်အယူအဆနှင့် လူ့တန်ဘိုးမဲ့အောင်၊ လူ့ဝတ္တရားတွေ ပျက်ကွက်အောင်  တစ်ကိုယ်ကောင်းဝါဒ ပရမတ္တသစ္စာ ဗြဟ္မဏဒဿနတို့ဖြင့်  ဖုံးလွှမ်း ခြင်း ခံနေရသော ဗုဒ္ဓ၏ ရိုးရှင်းသည့် အရိယသစ္စာနှင့် ကံကိုသိရှိနိုင်စေရန် ရည်ရွယ် ဆောင်ရွက် ထားခြင်းဖြစ်ပါတယ်။

    ရှေ့ဘ၀၊ နောက်ဘ၀အစွဲနှင့် ပရမတ္တသစ္စာဒဿနတို့ဖြင့် အိပ်ပျော်နေကြသော မိတ်ဆွေများ အိပ်ခြင်း မှ နိုးထနိုင်ကြပါစေ။

ဓမ္မ E-book စာအုပ်များ လေ့လာလိုပါက  http://sites.google.com/site/ sayamvasi/toe-bookspage အင်တာနက် လိပ်စာတွင် download ဖြင့် ရယူနိုင်ပါသည်။ လေ့လာဖို့အတွက် နောက်ထပ်လိပ်စာကတော့ http://myanmarengineer.org/forums/archive/index.php/t-2632.html ဖြစ်ပါတယ်။

Mp.3 အသံတရားများကို http://ariyathitsa.eu.pn/ အင်တာနက် လိပ်စာတွင် download ဖြင့် ရယူနိုင်ပါသည်။

http://mandalaygazette.com/author/ashinariya / တွင်ရှိသော အရှင်အရိယ၏ post မှ မှတ်စု

မိုးပြာဆိုသည်မှာ ဒီလိုပါ။

         
မိုးပြာဆိုသည်မှာ ဒီလိုပါ။

          လွန်ခဲ့သည့် နှစ်ပေါင်း ၂၅၀၀ - ကျော်က ဗုဒ္ဓမြတ်စွာ ဟောကြား တော်မူခဲ့သည့် တရားဓမ္မအပေါ် ကာလ၊ ဒေသ၊ အခြေအနေများအလိုက် သဘောပေါက်သိမြင်မှုများ ကွဲပြားလာခဲ့ရာ ယနေ့အခါ ဗုဒ္ဓဘာ သာလောကတွင် မဟာယာနဗုဒ္ဓဘာသာ၊ ထေရ၀ါဒဗုဒ္ဓ ဘာသာ၊ ဇင်ဗုဒ္ဓဘာသာ၊ တိဗက်လားမား ဗုဒ္ဓဘာ သာနှင့် ပစ္စုပ္ပန်ကမ္မ၀ါဒဗုဒ္ဓဘာသာ စသော ဗုဒ္ဓဘာသာအယူဝါဒကွဲများစွာ နိုင်ငံ အလိုက်၊ လူမျိုးအလိုက် အသီးသီး ဖြစ်ပေါ်လာကြပါသည်။
        အားလုံးသော ဗုဒ္ဓဘာသာဝါဒကွဲတို့သည် ဗုဒ္ဓဘုရားနှင့် ဗုဒ္ဓဟော ကြားတော်မူခဲ့သည့် တရားဓမ္မ များကို မိမိတို့ သဘောပေါက် သိမြင် မှုများအလိုက် ကျင့်သုံး၊ ဟောပြော၊ ပြသနေလျက် ရှိနေကြ ပါသည်။

             ဗုဒ္ဓ၏တပည့်ရဟန်းသံဃာများသည် ဗုဒ္ဓသတ်မှတ်ခဲ့သော အဆင်းဖျက် သင်္ကန်းအရောင်များကို လည်း ကာလ၊ ဒေသအလိုက်  အ၀ါ၊ နီညို၊ အပြာ၊ အနက် စသည်ဖြင့် ဆိုးခြယ်၍ 

         မြန်မာ၊ ယိုးဒယား၊ သီရိလင်္ကာ၊ လာအို၊ ကမ္ဘောဒီယားစသော ထေရ၀ါဒရဟန်းတော်များနှင့်  

            တိဗက် ရဟန်းတော်တို့သည် အ၀ါ၊ နီညို စသည့်အရောင် သင်္ကန်းများဝတ်ဆင်ပြီး၊ 

        တရုတ်မဟာယာန ရဟန်းတော်တို့သည် အ၀ါရောင်၊ အပြာရောင်သင်္ကန်းတို့ကို ၀တ်ဆင်ကြ ပါသည်။ 

          ဂျပန် နိုင်ငံ ဇင်ဗုဒ္ဓ ဘာသာ ရဟန်းတော်တို့သည် အပြာရောင်နှင့် အနက်ရောင် သင်္ကန်းတို့ကို ၀တ်ဆင်ကြပြီး  

ကိုးရီးယားမဟာယာန ရဟန်းတော်တို့က အပြာရောင်သင်္ကန်းကို ၀တ်ဆင်ကြပါသည်။

      ဗုဒ္ဓမြတ်စွာ၏ အရိယသစ္စာကံအမြင်ကို ပြန်လည်ဖော်ထုတ်ဟောကြားကြသော မြန်မာနိုင်ငံရှိ ပစ္စုပ္ပန် ကမ္မ၀ါဒဗုဒ္ဓဘာသာရဟန်း တော်တို့သည်လည်း အပြာရောင်သင်္ကန်းကို ၀တ်ဆင်ခဲ့ကြပါသည်။

       ယခုအခါ မြန်မာနိုင်ငံတွင် ထေရ၀ါဒဗုဒ္ဓဘာသာ၊ မဟာယာနဗုဒ္ဓဘာသာနှင့် ပစ္စုပ္ပန်ကမ္မ၀ါဒ ဗုဒ္ဓဘာသာ စသော ဗုဒ္ဓဘာသာဝါဒကွဲများဖြင့် ဗုဒ္ဓသာသနာထွန်းလင်းလျက်ရှိနေပါသည်။ ၎င်းဗုဒ္ဓဘာသာ ၀ါဒကွဲများထဲမှ ပစ္စုပ္ပန်ကမ္မ၀ါဒဗုဒ္ဓဘာသာက ၀တ်ဆင်သောအပြာရောင်သင်္ကန်းဝတ်ဆင်မှုကို ရည်ညွှန်းပြီး မိုးပြာဟု ၀ါဒကွဲများမှ ခေါ်ဆို သမုတ်ကြခြင်းဖြစ်သည်။

အဆိုပါ ပစ္စုပ္ပန်ကမ္မ၀ါဒဗုဒ္ဓဘာသာ (မိုးပြာ) ၏ တရားများကို လေ့လာလိုပါက

• http://ariyathitsa.eu.pn/
•  http://www.ariyathitsa.org/
• http://www.dhammaviharri.org/
• http://sites.google.com/site/sayamvasi/t...
• http://ariyadhamma.multiply.com/
• http://buddhismabc.blogspot.com/
• http://human-buddha.blogspot.com/ နှင့်   
• https://www.facebook.com/ariyathitsa   တို့တွင် လေ့လာနိုင်ပါသည်။  

   
(ဗုဒ္ဓဘာသာဝါဒကွဲများနှိုင်းယှဉ်လေ့လာမှုစာတမ်းမှ)

သေပြီးနောက် ဖြစ်၊ မဖြစ်

သေပြီးနောက် ဖြစ်တယ်လို့ အယူရှိရင် သဿတမိစ္ဆာဒိဋ္ဌိ . . . . .။
သေပြီးနောက် မဖြစ်ဘူးလို့ အယူရှိရင် ဥစ္ဆေဒမိစ္ဆာဒိဋ္ဌိ . . . . .။
ဒါဆိုရင် မိတ်ဆွေ သင် ဘာအယူကို ယူထားသလဲ . . . . .။

ဗုဒ္ဓဘုရား မပွင့်ခင်က လူတွေ ဒီအယူ နှစ်မျိုးယူထားကြလေ၏။ ယနေ့ ခေတ်တွင် တစ်ချို့လည်း ဗုဒ္ဓဘာသာဆိုပေမယ့် ဒီအယူ နှစ်မျိုးထဲက တစ်မျိုးမျိုး ယူထားကြ၏။
သေပြီးနောက်အပေါ်မှာ အယူတစ်မျိုးမျိုး ယူထားရင် အဲဒါကို ဗုဒ္ဓမြတ်စွာ က မိစ္ဆာဒိဋ္ဌိ (မှားယွင်း အသိ)ဟု ဟောကြားတော်မူလေ၏။
ဘာ့ကြောင့်လဲ . . . . .၊

လူသေပြီးနောက် ဖြစ်သေးတယ်လို့ အယူရှိနေတဲ့ သူဟာ သူအခုပြု လုပ်နေတဲ့ အကုသိုလ်ကံသည် နောင်ဘ၀မှာ အကျိုးပေးမှာကို ယုံကြည်နေတာ ဖြစ်တဲ့အတွက် အကြောက်တရားနဲ့ အပေါ်ယံ သီလထိန်းနိုင်တယ်လို့ ထင်ရပေမယ့် တကယ့်အရေးကြုံရင် အကုသိုလ်ကို မရှောင်နိုင်တော့ပါ။ သီလတွေ ကျူးလွန်ကုန်ကြ၏။ နောင်ဘ၀ကျမှ အကျိုးပေးမှာလို့ သိနေတာဆိုတော့ အကြွေးဖြစ်နေတဲ့အတွက် အကုသိုလ်ကံကို ကျူးလွန်ဖို့ ၀န်မလေးတော့ပါ။

နောက်ထပ်ပြီး ယနေ့ခေတ်စားနေတဲ့ ဘုရားဟောထင်ပြီး သံသရာထွက်ကြောင်းလုပ်နေကြတဲ့ ပရမတ္တသစ္စာ ရုပ်၊ နာမ် ရှုသူများကလည်း ထပ်ပြီးတော့ အကု သိုလ်အမှုများ ကျူးလွန်ရဲအောင် အားပေးသလိုမျိုး ဖြစ်နေ၏။  ဘယ်လိုပဲ အကုသိုလ် ကံတွေ လုပ်ခဲ့ လုပ်ခဲ့ မသေခင် ဉာဏ်ဦးအောင် ပရမတ္တသစ္စာ ရုပ်၊ နာမ် ဖြစ်ပျက်ရှုမယ် ဆိုရင် သေရင်အပါယ်က လွတ်ပါတယ်ဆိုပြီး စိတ်ကူးယဉ် ဆွယ်လုံးတွေ ဟောကြားတော့ အခုတော့ မလွှဲသာလို့ အကုသိုလ်တွေ လုပ်ဦးမယ်၊ ဒီလုပ်ခဲ့တဲ့ကံတွေ သေပြီးရင် အကျိုးမပေးအောင် အသက်ကြီးမှ ပရမတ္တသစ္စာ ရုပ်၊ နာမ် ဖြစ်ပျက် ရှုတာပေါ့ဟု ဆင်ခြေ တွေးလုံးများနှင့် ရဲရဲကြီး အကုသိုလ်တွေ ပြုလုပ်ဖို့ ၀န်မလေးဖြစ်ကုန်၏။ စဉ်းစားဖို့ ကောင်းလေစွ။ အယူဒဿနလွဲရင် ဘယ်လောက် ကြောက်စရာကောင်းတယ်ဆိုတာ . . . . . ။

ပရမတ္တသစ္စာ ရုပ်၊ နာမ် ဖြစ်ပျက် အယူရှိနေရင် သေပြီးနောက် ဖြစ်၊ မဖြစ် အယူတစ်ခုခု ယူထားတာမို့ သေပြီးနောက် အယူတစ်ခုခုယူထားရင်တော့ မိစ္ဆာဒိဋ္ဌိဟု ဗုဒ္ဓဘုရား သေသေချာချာ ဟောကြားထားလေ၏။
ပရမတ္တသစ္စာ အယူရှိသူများသည် ဘုရား၊ ရဟန္တာများ သေရင်တော့ မဖြစ်တော့ဘူးဟု ယူထားကြပြီး ဘုရား၊ ရဟန္တာ မဟုတ်သူများကိုတော့ သေပြီးရင် ဖြစ်သေးတယ်လို့ ယူထားကြပြန်၏။ ထိုအယူသည်လည်း သေပြီးနောက်ကိစ္စတွေကို တွေးတောနေတာမို့ မိစ္ဆာဒိဋ္ဌိ အသိမှားကြီးဖြစ်နေ၏။ အသိမှားတော့ အပြောမှား၊ အလုပ်မှား၊ အနေအထိုင်တွေပါ မှားနေကြပြန်၏။

ဒီပရမတ်အယူရှိသူများ၏ သံသရာထွက်ကြောင်း၊ နိဗ္ဗာန်ရောက်ကြောင်း ထင်တဲ့ အလုပ်ကလည်း သေပြီးနောက် မဖြစ်ဖို့ကိုသာ ရည်ရွယ်လုပ်နေကြတာ ဖြစ်တဲ့အတွက်  အစ္စလာမ်ဘာသာဝင်တို့၏ ထာဝရငရဲနှင့် သွားတူနေလေ၏။ စဉ်းစားဖို့ ကောင်းလေစွ။ အစ္စလာမ်ဘာသာတွင် ဘုရားသခင်က သေပြီးတဲ့သူတွေကို စစ်ဆေးတဲ့အခါ ကောင်းတာလုပ်ခဲ့တဲ့သူတွေကို ထာဝရကောင်းကင်ဘုံသို့ ပို့ပြီး မကောင်းတာလုပ်ခဲ့တဲ့သူတွေကို ထာဝရငရဲသို့ ပစ်ချလိုက်တဲ့အခါ ငရဲမီးလောင် ကျွမ်းပြီး ရုပ်၊ နာမ်တွေ လုံးဝ ပျောက်သွား၏။ ထိုကဲ့သို့ သေပြီးနောက် ရုပ်၊ နာမ်တွေ လုံးဝ ပျောက်သွားတာကို ထာဝရငရဲဟု ယူဆထားကြ၏။
ပရမတ္တသစ္စာ အယူရှိသူများ၏ သေပြီးနောက် မဖြစ်တော့အောင် အားထုတ်နေတဲ့ ပန်းတိုင်သည် အစ္စလာမ်ဘာသာဝင်တွေ ယူဆထားတဲ့ ထာဝရငရဲနှင့် သဘောချင်းသွားတူနေသည်မှာ စိစစ်ဖို့ကောင်း၏။
စဉ်းစားတတ်သူများ စိစစ်ကြပါလေ . . . ။

ဒါ့ကြောင့် သေပြီးနောက်ကိစ္စတွေကို တွေးခေါ်နေကြသောသူများရဲ့ နိဗ္ဗာန်လို့ထင်နေတဲ့အရာကို မည်သူမျှ အသေအချာ အားမကျကြခြင်း ဖြစ်၏။ သေပြီးမှ ရမယ် ဆိုတဲ့ နိဗ္ဗာန် ဘာသုံးလို့ရတော့မှာလဲ။
သေမှတကယ်ရ မရက သေပြီးမှတော့ ဘယ်သူမေးလို့ ရတော့ မှာလဲ။  သေပြီးနောက် ဖြစ် မဖြစ်ကို ဟောကြားတဲ့ဘုန်းကြီးကလည်း ဘယ်လို သက် သေပြမလဲ၊ အာမခံမလဲဟု ပြန်မေးဖို့ ကောင်းကြ၏။  စိတ်ကူးယဉ် ယုံကြည်မှုနဲ့ လုပ်ကိုင်၊ ပြောဆိုကြခြင်းဖြစ်၏။ ဟောတဲ့သူတွေကလည်း ခပ်တည်တည်နဲ့ ဟောသလို နာတဲ့သူတွေ ကလည်း မစိစစ်ဘဲ နာယူနေကြ၏။ ၀မ်းနည်းဖို့ကောင်းလေစွ။

ဆင်ဖြူတော်ဆိုပြီး ဆက်သတဲ့ ဆင်မည်းကြီးအား ဘိုးတော်ဘုရားက အမတ်ကြီး ဦးပေါ်ဦးကို စစ်ဆေးခိုင်းတဲ့အခါမှာ ဦးပေါ်ဦးက ဆင်ဖြူတော်အင်္ဂါ လက္ခဏာပါရှိတာမို့ နောင်နှစ်ငါးဆယ်ကျရင် ဖြူလာပါလိမ်မယ်လို့ ခပ်တည်တည်နဲ့ လျှောက်တော့ ဘိုးတော်ဘုရားကလည်း မစိစစ်ဘဲ ယုံကြည်လိုက်လေ၏။
ကျန်အမတ်များက ဦးပေါ်ဦးကို နောင်နှစ်ငါးဆယ်ကြာတဲ့အခါ ဒီဆင် မဖြူ လာရင် ဘယ်လိုလုပ်မလဲလို့ မေးမြန်းကြတဲ့အခါ ဦးပေါ်ဦးက နောင်နှစ်ငါးဆယ်ကြာရင် အဲဒီဘိုးတော်ဘုရင်လည်း မရှိတော့ဘူး၊ ဒီဆင်လည်း မရှိတော့ဘူး။ ကျုပ်တို့လည်း ရှိတော့မှာ မဟုတ်ဘူး။ ဒါ့ကြောင့် ရှင်းပြစရာမလိုတော့ဟု ပြန်ပြောလေ၏။
နောင် အနှစ်ငါးဆယ်မှ ကိစ္စကို ဦးပေါ်ဦးက ခပ်တည်တည်နဲ့ ပြောသလိုပဲ ယနေ့တရားဟောပုဂ္ဂိုလ်များသည်လည်း ဘုရားဟောတယ်ထင်ပြီး သေပြီးနောက် ကိစ္စ ­များကို ခပ်တည်တည်နဲ့ ဟောပြောနေကြတာကို ဘိုးတော်ဘုရားလိုပဲ လူတွေက မစိစစ်ပဲ ယုံကြည်နေကြ၏။

သေပြီးမှ ဖြစ်ရမယ့်ဘ၀တွေ၊ သေပြီးရင် ဘာရုပ်၊ နာမ်မှ မဖြစ်တော့ဘူးဆိုတဲ့ နိဗ္ဗာန်အကြောင်းတွေကို ဘုရားဟောတယ်ထင်ပြီး ခပ်တည်တည်နဲ့ ဟောပြောနေကြတော့ သေပြီးနောက် အဲဒါတွေ ဖြစ်၊ မဖြစ်ကို ဘယ်သူ အာမခံ နိုင်မည်နည်း။ စိတ်ကူးယဉ်(တက္က)ယုံကြည်မှုများနှင့် ဟောပြော နာယူနေကြခြင်း ဖြစ်လေ၏။

ဗုဒ္ဓ၏တရားများသည် ကိုယ်တိုင်သိနိုင်၊ မြင်နိုင်သည့် (ဒဿန)တရားများ ဖြစ်လေ၏။ ကြံဆပြီးမှ သိရတဲ့ (တက္က)တရားများမဟုတ်ပါ။ ဒါ့ကြောင့် သေပြီးနောက် ကိစ္စများကို မယူကြဖို့ ဗုဒ္ဓက ( အံ- ၂၊ ၄၄၈ ) ။ ( မဟာနိ- ၂၄၆၊ စူလနိ- ၅၁ ) ။ မဟာနိ- ၂၄၆၊ စူလနိ- ၅ စသည့် အဗျာကတနှင့်ပတ်သက်သော တရားများတွင် သေသေချာချာဟောကြားထားတာကို ကိုယ်လိုသလိုယူဆပြီး ဟောပြောနေကြသည်မှာ ၀မ်းနည်းဖို့ကောင်းလေ၏။

ဒါ့ကြောင့် သေပြီးနောက်ကို ယူနေကြသူများသည် ဘုရားမယူစေလိုတာကို ယူနေကြသောကြောင့် အကုသိုလ်ကို အမှန်တကယ်ကျူးလွန်ဖို့ ၀န်မလေးကြပါ။ နောင်ဘ၀ကျမှ နောင်ကိုယ်နဲ့ ခံမည်ဟု ယူဆထားသောကြောင့်လည်းဖြစ်လေ၏။ ကောင်းမှု ကုသိုလ်တွေ ပြုတဲ့အခါမှာလည်း သေပြီးနောက်ကို အာရုံရောက်နေတာမို့ အမှန် တန်ဘိုးရှိသော၊ အသုံးဝင်သော ကုသိုလ်များကို မပြုတတ်ကြတော့ပါ။ နောင်ဘ၀ ကောင်းစားရေးကို စိတ်ကူးယဉ်ပြီး ကိုယ်က တစ်ထောင်လောက်ပေးပြီး နောင်ဘ၀ တစ်ထောင်ဘိုးမက ပြန်စံစားချင်တဲ့ ဈေးဝယ်သလို ကုသိုလ်များနှင့် သေရင် ငရဲ မရောက်အောင် လာဘ်ထိုးသလို ကုသိုလ်မျိုးများကိုသာ အမျှော်၊ အကြောက်နဲ့ ပြု နေကြသည်မှာ လုပ်သလောက်၊ ကုန်သလောက် အကျိုးမများဖြစ်နေကြ၏။ နိဗ္ဗာန်လို့ ထင်နေတဲ့အရာကိုလည်း သေပြီးမှ ရမယ်ထင်ပြီး အမှန်တကယ် မလိုချင်ကြပါ။ လိုချင်ယောင်ဆောင်နေကြခြင်းသာ ဖြစ်လေ၏။

မိတ်ဆွေ သင်သေပြီးရင် ဖြစ်တယ်လို့ အယူရှိနေရင် စိစစ်ဖို့ လိုပေပြီ။
နောက်ထပ်ပြီး သေပြီးနောက်မဖြစ်ဘူး အယူရှိသူများကြတော့လည်း – - -

အဲဒီအယူကလည်း သေပြီးမှကိစ္စကို မှန်းဆပြီး ကြံဆနေတာမို့ ဗုဒ္ဓက ဥစ္ဆေဒမိစ္ဆာဒိဋ္ဌိ (မှားယွင်းအယူ)ဟု ဟောကြာတော်မူလေ၏။
အယူမှားတော့ အလုပ်၊ အပြော၊ အနေတွေပါ မှားကုန်ကြ၏။ ဘယ်ပုံ၊ ဘယ်နည်း မှားကြသလဲဆိုရင် – - – - – - – -

သေပြီးရင်ဘာမှဖြစ်မှာ မဟုတ်ဘူးဟု သေပြီးနောက်ကို အာရုံရောက် နေကြတာမို့ ထိုသူများသည် ယခုပစ္စုပ္ပန် မိမိတို့ လုပ်နေသော အလုပ်များကြောင့် ဖြစ်နေတဲ့ အခြေအနေများရဲ့ ဆင်းရဲနေပုံ၊ ဆိုးဝါးနေပုံတွေကို မသိမြင်ကြတော့ပါ။ ဒါ့ကြောင့် ထိုအယူရှိသူများသည် ယခုပစ္စုပ္ပန်တွင် အကုသိုလ်လုပ်ဖို့ လက်ရဲကြကုန်၏။ ဘယ်သူသေသေ ငတေမာရင်ပြီးရောဟုဆိုကာ တစ်ကိုယ်ကောင်ဆန်ဆန် အကုသိုလ် များကို ရဲရဲတင်းတင်း ပြုရဲကြသလို အများအကျိုးရှိမယ့် ကုသိုလ်ကောင်းမှုမျိုးတွေ ကြတော့ မလုပ်ချင်ကြတော့ပါ။ ထိုသူတုိ့၏ အတွေးအခေါ်သည် သေပြီးနောက်ကို ရောက်နေကြသောကြောင့် ပစ္စုပ္ပန်တွင် ကောင်းမှုလုပ်ရကောင်းမှန်း မသိကြတော့ပါ။
သေမှရမယ်လို့ ထင်နေတဲ့ နိဗ္ဗာန်ဆိုတာကြီးကိုလည်း ပိုလို့တောင်မှ မလိုချင်ကြတော့ပါ။

မိတ်ဆွေ သင်သေရင် မဖြစ်ဘူးဆိုပြီး သေပြီးနောက်ကို အာရုံ ရှိနေသေးရင် စိစစ်ဖို့လိုပြီးဟု ထပ်မံတိုက်တွန်းလိုက်၏။

ဒါ့ကြောင့် ဗုဒ္ဓမြတ်စွာက သေပြီးနောက် ဖြစ်တယ်၊ မဖြစ်ဘူးစတဲ့ အတွေး အခေါ်တွေ မယူကြဖို့ အကြိမ်ပေါင်းများစွာ ဟောကြားတော်မူခဲ့လေ၏။ သေပြီးနောက်ကို အာရုံရောက်နေရင် ပစ္စုပ္ပန်မှာ ပြောဆို လုပ်ကိုင်နေသော ကောင်းမှု၊ မကောင်း မှုများရဲ့ တန်ဘိုးအမှန်ကို မသိနိုင်ကြတော့ပဲ အချီးအနှီး အကျိုးမဲ့ခြင်းကြောင့် ဖြစ်ပေ၏။

ဒါဆိုရင် သေပြီးနောက်ကိစ္စတွေကို မယူရ၊ မတွေးရရင် ဘာကို ယူရ၊ တွေးရမှာ လည်းဟု ပြန်မေးဖို့ ကောင်းလေ၏။ ဗုဒ္ဓက သေပြီးနောက်နှင့် ပတ်သက်ပြီးမေးခဲ့သော ပရိဗိုဇ်တစ်ဦးအား ပစ္စုပ္ပန်ဖြစ်နေတဲ့ အကြောင်းအကျိုးအမှန် (ပဋိစ္စသမုပ္ပါဒ်) တရား တွေကို သိအောင်လုပ်ဟု လမ်းညွှန်ခဲ့လေ၏။ တစ်နည်းအားဖြင့် ယခုပစ္စုပ္ပန်မှာ မိမိပြုနေတဲ့ ကံ (သင်္ခါရ)တွေကြောင့် ဖြစ်နေရတဲ့ ဘ၀ဒုက္ခတွေကို သိမြင်အောင် လုပ်ဖို့ပဲလိုပေ၏။ အဲဒါကိုပဲ သမုဒယသစ္စာ (တဏှာ၊ ဥပါဒါန်၊ ကံ) ကြောင့် ဖြစ်နေရတဲ့ အဖြစ်ဆင်းရဲ ဒုက္ခသစ္စာကို သိတာ မဂ္ဂသစ္စာဟု ဓမ္မစကြာတရားတော်တွင် သစ္စာလေးပါးမြတ်တရားဟု ဟောကြားတော် မူခဲ့၏။ ယခုလုပ်နေတဲ့ ပစ္စုပ္ပန်ကံ (သင်္ခါရ)တွေရဲ့ ဒုက္ခသစ္စာ (ဆင်းရဲအမှန်)ကို သိတော့ ဆင်းရဲစေတဲ့ ကံ (သင်္ခါရ)တွေကို မပြုရဲ၊ မပြောရဲ၊ မတွေးရဲတော့ပါ။ မီးဟာ ပူမှန်းသိတော့ မကိုင်ရဲတော့သလို ကံ (သင်္ခါရ)တွေဟာ ဆင်းရဲကြောင်း (သမုဒယသစ္စာ) ဖြစ်နေတာမို့ ဆင်းရဲစေတဲ့ ဒီကံတွေကို ဘယ်တော့မှ မပြုတော့ခြင်းဖြစ်၏။ ထိုသို့ ကံတွေကို မပြုတော့တာမို့ ဒီကံတွေ လွန်ကျူးမှုကြောင့် ဖြစ်နေရတဲ့ နောက် ဆက်တွဲ ဘ၀ (ဒုက္ခသစ္စာ)တွေ မဖြစ်ပေါ်တော့တာကို နိဗ္ဗာန် ငြိမ်းအေးခြင်း (နိရောဓ သစ္စာ)သို့ ဆိုက်ရောက်ခြင်း ဖြစ်လေ၏။

ဗုဒ္ဓ၏ အရိယသစ္စာလေးပါးတွင်ပါသော နိရောဓသစ္စာ (နိဗ္ဗာန်)မှာ သေပြီးမှ ရောက်မှာ ရမှာကို ဆိုလိုခြင်း မဟုတ်ပါ။ ယခုပစ္စုပ္ပန်တွင် ဆင်းရဲမှန်းသိလို့ ဆင်းရဲစေတဲ့ အမှုတွေ မပြုတော့ခြင်းကြောင့် ယခုပစ္စုပ္ပန်တွင် ဆင်းရဲတွေငြိမ်းသွားခြင်း ဖြစ်လေ၏။
ဒါကိုပဲ ဆင်းရဲကြောင်းချုပ်တာ တဏှာနိရောဓေါ နိဗ္ဗာနံလို့ ဟောကြားတော်မူခဲ့သလို ဆင်းရဲကျိုးတွေဖြစ်တဲ့ ဘ၀(ဥပါဒါနက္ခန္ဓာ)ချုပ်တာ ခန္ဓာနိရောဓေါ နိဗ္ဗာနံ လို့ အကြောင်းချုပ်လို့ အကျိုးချုပ်တယ်ဆိုပြီး အကြောင်းအကျိုးပြ ဟောတော်မူခဲ့လေ၏။ ဗုဒ္ဓ၏ အရိယသစ္စာလေးပါးတရားတွင် သေမှဖြစ်မယ့်ကိစ္စတွေ မပါပါ။

သေပြီးရင် ကိစ္စတွေကို အာရုံရောက်နေပါက ဗုဒ္ဓ၏ အရိယသစ္စာလေးပါး သဘောအမှန်ကို ဉာဏ်မရောက်နိုင်တာမို့ သေပြီးနောက် ဖြစ်၊ မဖြစ်ကိစ္စတွေကို မယူကြဖို့ ဗုဒ္ဓမြတ်စွာ ကြိမ်ဖန်များစွာ ဟောကြားတော်မူခြင်းဖြစ်လေ၏။ ယနေ့တွင် ခေတ်စားနေသော ပရမတ္တသစ္စာ ရုပ်၊ နာမ် ရှုကွက်မှာ ဗုဒ္ဓတရားထဲသို ဘုရားပဲ ဟောခဲ့သယောင်နဲ့ ဗြဟ္မဏ၀ါဒနှင့် ဂျိန်းဝါဒတို့မှ နောက်မှဝင်လာရောနှောခြင်းဖြစ်လေ၏။ သမိုင်းအမှန်ကို စိစစ်နိုင် ကြပါစေ။

ဒီပရမတ္တသစ္စာကိုပဲ ဗုဒ္ဓ၏ အရိယသစ္စာပဲဟု ထင်နေကြခြင်းမှာ ဥပမာပြ ရရင် ပထွေးကို အဖေဟု ထင်နေကြခြင်းဖြစ်လေ၏။ တကယ့်အဖေအစစ်နဲ့တူတဲ့ အရိယသစ္စာကို ကွဲကွဲပြားပြား သိအောင်လေ့လာမှသာ ဗုဒ္ဓရဲ့ အရိယာသား၊ သမီး ဟုဆိုနိုင်ပေ၏။
ပရမတ္တသစ္စာရဲ့ လုပ်ငန်းစဉ်သည် သေပြီးခါ ရုပ်၊ နာမ်တွေ မဖြစ်ဖို့ကို ပစ္စုပ္ပန် ရုပ်၊ နာမ်တွေကို ရှုမှတ်ခိုင်းနေကြတာမို့ သေပြီးနောက်ကို အာရုံရောက်နေတဲ့အတွက် မိစ္ဆာဒိဋ္ဌိအကျင့် (မှားယွင်း အယူ၊ အကျင့်)ဖြစ်နေ၏။ ဗုဒ္ဓ၏ အရိယသစ္စာလေးပါး၊ မဂ္ဂင်ရှစ်ပါး တရားအကျင့်တွင် ကံမဂ္ဂင်လို့ ဆိုလို့ရတဲ့ သီလမဂ္ဂင် သုံးပါး အပေါ်မှာ ၀ိရီယမဂ္ဂင်လို့ ဆိုလို့ရတဲ့ သမာဓိမဂ္ဂင် သုံးပါးနှင့် ပညာလို့ ဆိုလို့ရတဲ့ ပညာမဂ္ဂင် နှစ်ပါးဖြင့် စိစစ်အကဲခပ်ရန်ဖြစ်လေ၏။ ကံ၊ ဉာဏ်၊ ၀ိရီယ သုံးပါး အလုပ်လုပ်ရန်ဖြစ်ပေ၏။ နာမ်၊ ရုပ် တွေ အစိပ်စိပ် အဖြာဖြာ ရှုတာ မပါပါ။

မိမိတို့၏ ကံမဂ္ဂင်များဖြစ်ကြသည့် အလုပ်၊ အပြော၊ အနေအတွေးတွေမှာ သမုဒယသစ္စာ (တဏှာ၊ ဥပါဒါန်၊ ကံ) သဘောဖြစ်သွားရင် ဆင်းရဲမယ်။ သမုဒယသစ္စာသဘော မဖြစ်အောင် သတိ၊ ပညာနဲ့ လုပ်ကိုင် ပြောဆို နေထိုင်မယ်ဆိုရင် (နိရောဓသစ္စာ) ငြိမ်းအေးခြင်ဖြစ်မယ် စတဲ့ ကံ (သင်္ခါရ)၊ သီလတွေလွန်ကျူးခြင်းရဲ့ ဆင်းရဲအမှန်ကို သိဖို့သာလျှင် လိုရင်းဖြစ်ပေ၏။ ကံ (သင်္ခါရ)၊ သီလတွေလွန်ကျူးရင် ဆင်းရဲမယ်၊ မငြိမ်းအေးဘူး။ ဆင်းရဲမှန်းသိတော့ မလွန်ကျူးတော့ရင် ငြိမ်းအေးမယ်ဆိုပြီး ပိုင်းခြားသိတာ အရိယသစ္စာလေးပါးရဲ့ လုပ်ငန်းစဉ်ပါ။

ပရမတ္တသစ္စာနဲ့ အရိယသစ္စာ နှိုင်းယှဉ်လေ့လာဖို့ လိုပါတယ်။
ပရမတ္တသစ္စာတွင် နာမ်၊ ရုပ်သိရင် တရားသိသူ၊ သစ္စာသိသူဟု ယူဆ၏။ မှန်ပေ၏။ နာမ်၊ ရုပ်သိရင် ပရမတ်တရားသိသူ၊ ပရမတ္တသစ္စာသိသူသာဖြစ်၏။ အရိယ သစ္စာသိသူတော့ ဖြစ်မလာနိုင်ပေ။
အရိယသစ္စာတွင် ဗုဒ္ဓ၏ အရိယသစ္စာလေးပါးကို ဘယ်ဟာက သမုဒယသစ္စာ၊  ဘယ်ဟာက ဒုက္ခသစ္စာ၊  ဘယ်ဟာက မဂ္ဂနဲ့ နိရောဓ သစ္စာဆိုပြီး ကွဲကွဲပြားပြား သိမှသာ တရားသိသူ အရိယာဖြစ်ပေ၏။ သစ္စာကို တိုက်ရိုက်သိအောင် လေ့လာရမယ့်ကိစ္စမှာ ကြားက ပရမတ္တသစ္စာက နာမ်၊ ရုပ်သိမှ ဆိုပြီး ပွဲစား ၀င်ရှုပ်တာမို့ ပရမတ်တောတွင် ရွာလယ်နေကြပြီး အရိယသစ္စာနယ်ပယ်သို့ မရောက်ကြသည်မှာ ၀မ်းနည်းဖို့ ကောင်း၏။ ပွဲစား မလိုပါ၊ အရိယသစ္စာကို တိုက်ရိုက်သိအောင် ရှင်းပြပေးနိုင်တဲ့ ကလျာဏမိတ္တ အရိယသစ္စာသိပြီးသူ ဆရာသမားသာ လိုပါ ၏။

ဒါကြောင့် စိတ်ကူးယဉ် အယူအဆများဖြစ်တဲ့ သေပြီးနောက် ဖြစ်၊ မဖြစ် အတွေးအခေါ်များ ကင်းစင်ကြပြီး ပစ္စုပ္ပန် အပြောမှန်၊ အလုပ်မှန်၊ အနေမှန်တွေရဲ့ တန်ဘိုးအမှန်တွေကို သိရှိနိုင်ကြပါစေ။ ပရမတ်တောတွင် နစ်မြုတ်နေခြင်းမှ လွတ်မြောက်ပြီး အရိယသစ္စာ ကုန်းထက်သို့ တက်လှမ်းနိုင်ကြပါစေ . . . . . . .  . ။

ဘုရား မဟော၊ မပြောတာကို မယူစေလို

အဗျာကတ၀တ္ထု

အဗျာကတ၀တ္ထု ဆိုသည်မှာ တကယ်အရှိ၊ အဟုတ် အနေဖြင့် ပြော၊ ပြု၊ ပြ လို့မရသော အကြောင်းအရာများ ဖြစ်ပါသည်။
ဒိဋ္ဌိအယူစွဲ၏ အာရုံ၊ စိတ္တဇအာရုံတွေသာဖြစ်သည်၊ ( အံ- ၂၊ ၄၄၈ ) ။

ကုသိုလ်ဖြစ်ရေးနှင့်လည်း မစပ်၊ အကုသိုလ်မဖြစ်ရေးနှင့်လည်း မဆိုင်သော အကြောင်းအရာများသာ ဖြစ်ပါသည်၊
( မဟာနိ- ၂၄၆၊ စူလနိ- ၅၁ ) ။


ဤအကြောင်းအရာများကို ဘုရားက မဟော၊ မပြော၊ မယူ ပဲနှင့် ဘုရားတပည့်ဟု ဆိုသူတို့က ဟော၏၊ ပြော၏၊ ယူလည်းယူ၏။ ထိုသို့မဖြစ်သင့်ပေ။ မေမြန်းလာခဲ့လျှင် ရှိ/မရှိ၊ ဖြစ်/မဖြစ် စကားလုပ်ပြောစရာကိုပင် မလိုပါ။ ဘုရားပင် ဖြေကြားတော်မမူခြင်းကို ရှိသည်၊ ဖြစ်သည်ဟု အတည်ပေါက် ဟော၊ ပြော၊ ယူနေခြင်းမှာ မိစ္ဆာဒိဋ္ဌိ အစစ်ဖြစ်၏။

ဗုဒ္ဓဘာသာဝင်အပေါင်းတို့သည် မိမိတို့ ကိုးကွယ်ဆည်းကပ်သော ဗုဒ္ဓ၏ တရားစစ်၊ တရားမှန်များကို သိထားဖို့လိုအပ်ပါသည်။ ဒါမှသာ ဘာသာတရားကို ကိုးကွယ်ရကျိုးနပ်ပြီး၊ ဘာသာတရားကပေးသော ဒုက္ခကင်းရာ၊ ကုန်ရာ နိဗ္ဗာန်သို့ မျက်မှောက်ပြုနိုင်မည်ဖြစ်သည်။ မိရိုးဖလာကိုးကွယ်မှု၊ အရမ်းရုံ၊ အကန်းရုံ ကိုးကွယ်မှုဖြစ်နေပါက မိမိအတွက်လည်း အကျိုးယုတ်စေသည့်အပြင် တရားဓမ္မအပေါ် အကောက်အယူလွဲမှားမှုကြောင့် မိမိတို့၏ ဗုဒ္ဓသာသနာအတွက်ပင် အကျိုးယုတ်စေပါလိမ့်မည်။ ဘုရားမဟောသော အခြင်းအရာများကို တရားဓမ္မဟုမှတ်ယူပြီး အားထုတ်ခြင်း၊ နှလုံးသွင်းခြင်း၊ ပွားများခြင်းများ ဆောင်ရွက်ပါက နိဗ္ဗာန်သို့ ဦးတည်မည်မဟုတ်၊ ဒုက္ခများနှင့်သာ လုံးထွေးနေရမည်ဖြစ်သည်။


အဗျာကတ၀တ္ထု ဆိုသည်မှာ-
( ၁) လောကသည်မြဲ၏ ဟူ၍လည်းကောင်း
(၂) လောကသည် မမြဲ ဟူ၍လည်းကောင်း
(၃) လောကသည် အဆုံးရှိသည် ဟူ၍လည်းကောင်း
(၄) လောကသည် အဆုံးမရှိ ဟူ၍လည်းကောင်း
(၅) ထိုအသက်သည် ထိုကိုယ်ဖြစ်သည် ဟူ၍လည်းကောင်း
(၆) အသက်သည် တခြား၊ ကိုယ်သည် တခြားဖြစ်သည် ဟူ၍လည်းကောင်း
(၇) သတ္တ၀ါသည် သေပြီးနောက် ဖြစ်သည် ဟူ၍လည်းကောင်း
(၈) သတ္တ္တ၀ါသည် သေပြီးနောက် မဖြစ် ဟူ၍လည်းကောင်း
(၉) သတ္တ၀ါသည် သေပြီးနောက် ဖြစ်လည်းဖြစ်၊ ဖြစ်လည်းမဖြစ် ဟူ၍လည်းကောင်း
(၁၀) သတ္တ၀ါသည် သေပြီးနောက် ဖြစ်သည်လည်းမဟုတ်၊ မဖြစ်သည်လည်းမဟုတ် ဟူ၍လည်းကောင်း စသည်တို့ဖြစ်သည်။


ထိုကဲ့သို့ အမေးပုစ္ဆာများသည်

- ဧကန်တယ် ဖြေဆိုသင့်သည် ( ဧကံသ ဗျာကရဏီ ) လည်းမဟုတ်။

- ခွဲခြမ်းစိတ်ဖြာ၍ ဖြေဆိုသင့်သည် ( ၀ိဘဇ္ဇ ဗျာကရဏီ ) လည်းမဟုတ်။

- မေးပုံမသေချာ၍ တစ်ဖန်ပြန်မေးပြီးမှ ဖြေဆိုရသည် ( ပဋိပုစ္ဆာ ဗျာကရဏီယ ) လည်းမဟုတ်ပါ။

၎င်းကောင်း (၁၀)ချက်သည် ဘုရားဟောတရားနှင့်မစပ်၊ လွှဲမှားသော မိစ္ဆာဒိဋ္ဌိ အယသက်သက်မျှသာဖြစ်သောကြောင့် မမေးသင့်၊ မဖြေသင့်၊ မကြံစည်သင့်သော ငြင်းပယ်ရမည့် ပြဿနာမေးခွန်းများသာဖြစ်သည်။ ဆိုလိုသည်မှာ ထိုမေးခွန်များသည် မဖြေဆိုဘဲ ထားရမည့် မေးခွန်းများဖြစ်သည်။


ဘုရားက အဘယ်ကြောင့် မဖြေဆိုဘဲထားရသည်ကို ဟောကြားရာ၌ ဤသို့ကြံစည်ခြင်းသည် ယုတ်ညံ့သည်၊ အကျိုးစီးပွားနှင့်မစပ်၊ မဂ်တည်းဟူသော အကျင့်မြတ်၏ အစမဟုတ်၊ ငြီးငွေ.ရန်၊ တပ်မက်ခြင်းကင်းရန်၊ ဒုက္ခချုပ်ရန်၊ ဒုက္ခချုပ်ငြိမ်းရန်၊ ထူးသောသာဏ်ဖြင့်သိရန်၊ ကိုယ်တိုင်သိရန်၊ တဏှာမှ လွတ်မြောက်ရန် မဖြစ်ဟု ဟောပြောခဲ့သည်။

ထို့ကြောင့် ကျွန်တော်တို့သည် ဘုရား၏ ဟောကြားချက်ကို ထောက်ချင့်ခြင်းအားဖြင့် ဗုဒ္ဓဘာသာဝင်အပေါင်းတို့သည် ဤု အဗျာကတ၀တ္ထု များအား ဒုက္ခသို့သွားရာလမ်းအဖြစ် မှတ်ယူ၍ ကြံစည်ခြင်းမပြု၊ ရှောင်ကြဉ်ရမည် ဖြစ်ပါသည်။

သေပြီးနောက် ဖြစ်၊ မဖြစ် အယူများလက်ခံထားပြီး ဒါန၊ သီလ၊ ဘာဝနာများ ပြုလုပ်နေကြပါက ဘုရား၏ အလိုကျ ကုသိုလ်ပြုခြင်းများ မဟုတ်တော့ပါ။ ဗုဒ္ဓဘာသာဝင်များပင် မဟုတ်ဟုပြောရပေတော့မည်။


ရဟန်းတို့ …
“လောကသည်မြဲ၏ ဟူ၍လည်းကောင်း” ၊ “လောကသည် မမြဲ ဟူ၍လည်းကောင်း” ၊
“လောကသည် အဆုံးရှိသည် ဟူ၍လည်းကောင်း” ၊ “လောကသည် အဆုံးမရှိ ဟူ၍လည်းကောင်း” ၊
“ထိုအသက်သည် ထိုကိုယ်ဖြစ်သည် ဟူ၍လည်းကောင်း” ၊ “အသက်သည် တခြား၊ ကိုယ်သည် တခြားဖြစ်သည် ဟူ၍လည်းကောင်း” ၊
“သတ္တ၀ါသည် သေပြီးနောက် ဖြစ်သည် ဟူ၍လည်းကောင်း” ၊ “သတ္တ္တ၀ါသည် သေပြီးနောက် မဖြစ် ဟူ၍လည်းကောင်း” ၊
“သတ္တ၀ါသည် သေပြီးနောက် ဖြစ်လည်းဖြစ်၊ ဖြစ်လည်းမဖြစ် ဟူ၍လည်းကောင်း” ၊ “သတ္တ၀ါသည် သေပြီးနောက် ဖြစ်သည်လည်းမဟုတ်၊ မဖြစ်သည်လည်းမဟုတ် ဟူ၍လည်းကောင်း” ဤသို့ ယုတ်ညံ့သော အကုသိုလ်စိတ်ကို မကြံစည်ကုန်ရာ။

(ထိုသို့မကြံရစည်ခြင်းသည် အဘယ့်ကြောင့်နည်း)

ရဟန်းတို့ …
ဤသို့ကြံစည်ခြင်းသည် ယုတ်ညံ့သည်၊ အကျိုးစီးပွားနှင့်မစပ်၊ မဂ်တည်းဟူသော အကျင့်မြတ်၏ အစမဟုတ်၊ ငြီးငွေ.ရန်၊ တပ်မက်ခြင်းကင်းရန်၊ ဒုက္ခချုပ်ရန်၊ ဒုက္ခချုပ်ငြိမ်းရန်၊ ထူးသောဥာဏ်ဖြင့်သိရန်၊ ကိုယ်တိုင်သိရန်၊ တဏှာမှ လွတ်မြောက်ရန် မဖြစ်။


ရဟန်းတို့ …
ကြံစည်လိုကြလိုကြကုန်သော် “ဤကား ဆင်းရဲတည်း” ဟု ကြံစည်ကုန်ရာ၏။ “ဤကား ဆင်းရဲဖြစ်ပေါ်ရာ အကြောင်းတည်း” ဟုကြံစည်ကုန်ရာ၏။
(အဘယ်ကြောင့် ထိုကဲ့သို့ ကြံစည်ရသနည်း)

ထိုကဲ့သို့ကြံစည်ခြင်းသည် အကျိုးစီးပွားနှင့်စပ်၏၊ မဂ်တည်းဟူသော အကျင့်မြတ်၏အစ၊ ငြီးငွေ.ရန်၊ တပ်မက်ခြင်းကင်းရန်၊ ဒုက္ခချုပ်ရန်၊ ဒုက္ခချုပ်ငြိမ်းရန်၊ ထူးသောဥာဏ်ဖြင့်သိရန်၊ ကိုယ်တိုင်သိရန်၊ တဏှာမှ လွတ်မြောက်ရန် ဖြစ်၏။
ရဟန်းတို့ ထို့ကြောင့် “ဤကား ဆင်းရဲဖြစ်ပေါ်ရာ အကြောင်းတည်း” ဟုသိရန်အားထုတ်ရမည်။ သို့မှသာနိဗ္ဗာန်သို့ ရောက်ကြောင်း အကျင့်တည်း။

ကိုးကား
( ပြည်ထောင်စုမြန်မာနိုင်ငံတော် သာသနာရေးဦးစီးဌာန ပုံနှိပ်တိုက်မှ ရိုက်နှိပ်သော ဆဋ္ဌသင်္ဂါယနာတင် ပိဋကတ်တော် သံယုတ်ပါဠိတော် (မြန်မာပြန်) တတိယတွဲ၊ စာမျက်နှာ ၃၇၁ မှ သုတ်အမှတ်စဉ် ၁၀၇၈၊ စိန္တသုတ် )

ကေသမုတ္တိသုတ် (ခေါ်) ကာလာမသုတ်

ကာလာမမင်းတို့ …
သင်တို့သည်ပြောသံ ကြားကာမျှဖြင့် (ဟုတ်ပြီ မှန်ပြီဟု အတည်) မယူကုန်လင့်ဦး၊

အစဉ်အဆက် စကားမျှဖြင့်လည်း (ဟုတ်ပြီ မှန်ပြီဟု အတည်) မယူကုန်လင့်ဦး၊

ဤသို့ ဖြစ်ဖူးသတတ်ဟူသော စကားမျှဖြင့်လည်း (ဟုတ်ပြီ မှန်ပြီဟု အတည်)
မယူကုန်လင့်ဦး။

ပိဋကတ် (မိမိတို့ရှေးဟောင်းကျမ်းဂန်) စာပေနှင့် ညီညွတ်ပေသည်ဟူ၍လည်း
(ဟုတ်ပြီ မှန်ပြီဟု အတည်) မယူကုန်လင့်ဦး၊

ကြံဆတွေးတော၍ ယူခြင်းမျှဖြင့်လည်း (ဟုတ်ပြီ မှန်ပြီဟု အတည်) မယူကုန် လင့်ဦး၊
နည်းမှီးယူခြင်းမျှဖြင့်လည်း (ဟုတ်ပြီ မှန်ပြီဟု အတည်) မယူကုန်လင့်ဦး၊

အခြင်းအရာကို ကြံစည်သောအားဖြင့်လည်း (ဟုတ်ပြီ မှန်ပြီဟု အတည်) မယူ ကုန်လင့်ဦး၊

(ငါတို့) ကြံစည်နှစ်သက်၍ ယူထားသောအယူနှင့် တူညီပေသည်ဟူ၍လည်း (ဟုတ်ပြီ မှန်ပြီဟု အတည်) မယူကုန်လင့်ဦး၊

ငါတို့လေးစားသော ရဟန်း၏ စကားဟူ၍လည်း (ဟုတ်ပြီ မှန်ပြီဟု အတည်) မယူ ကုန် လင့်ဦး။

ကာလာမမင်းတို့ {ဤတရားတို့ကား အကုသိုလ်တရားတို့တည်း၊ ဤတရားတို့ ကား အပြစ်ရှိသော တရားတို့တည်း၊ ဤတရားတို့ကား ပညာရှိတို့ ကဲ့ရဲ့အပ်သော တရားတို့တည်း။ ဤတရားတို့ကို ပြည့်စုံစေအပ် ဆောက်တည် အပ်ကုန်သည် ရှိသော် အစီးအပွားမဲ့ခြင်းငှါ ဆင်းရဲခြင်းငှါ ဖြစ်ကုန်၏}ဟု သင်တို့သည် မိမိတို့ ကိုယ်တိုင်ပင် သိသောအခါ၌မူ ပယ်စွန့်ကုန်ရာ၏။

ကာလာမမင်းတို့ {ဤတရားတို့ကား ကုသိုလ်တရားတို့တည်း၊ ဤတရားတို့ကား အပြစ်မရှိသော တရားတို့တည်း၊ ဤတရား တို့ကား ပညာရှိတို့ ချီးမွမ်းအပ်သော တရားတို့တည်း။ ဤတရားတို့ကို ပြည့်စုံစေအပ် ဆောက်တည် အပ်ကုန်သည် ရှိသော် အစီးအပွားရှိခြင်းငှါ ချမ်းသာခြင်းငှါ ဖြစ်ကုန်၏}ဟု သင်တို့သည် မိမိတို့ ကိုယ်တိုင်ပင်လျှင် သိသောအခါ၌မူ ပြည့်စုံစေ၍ နေကုန်ရာ၏။

၅ – ကေသမုတ္တိသုတ်၊ မဟာဝဂ်၊ တိကနိပါတ်၊ အင်္ဂုတ္ထိုရ်။